SELOMA, 05 Jullu 2026. Juventude Suku Seloi-Malere hala’o enkontru ida hodi revee no finaliza planu no programa atividade sira ba realizasaun Konsertu Komunitária ne’ebé sei realiza iha resintu Suku nian.
Enkontru ne’e ninia objetivu mak asegura atu preparasaun hotu-hotu lao tuir planu, hametin koordenasaun entre komisaun organizadora no ekipa sira, no garante katak programa atividade sei lao ho di’ak no efisiente.
Konsertu Komunitária ne’e lori tema jerál: “Valoriza Kultura no Hametin Fraternidade hodi Harii Suku ne’ebé Sustentável.” Liuhusi tema ida ne’e, juventude hakarak promove no valoriza patrimóniu kulturál lokál, haforsa unidade no solidariedade entre komunidade, liu husi partisipasaun hamutuk hodi kontribui ba dezenvolvimentu sustentável iha Suku Seloi-Malere.
Durante enkontru, partisipante sira mos diskute programa serimónia, distribuisaun tarefa ba kada seksaun, preparasaun lojístika, protokolu, seguransa, animasaun, no aspetu tékniku seluk atu garante katak Konsertu Komunitária ne’e bele realiza ho susesu no fó benefísiu ba komunidade tomak.
KO MAN DAN LA
Hut La Hutun Id, Bo La Boan Id.
Ma It Fut Tlo It Suku SELOMA Man Ahen La.
Leave a Reply