AILEU – Institutu Superiór Cristal – ISC, Tersa (29/06/2026), realiza serimónia entrega Estudante Estajiáriu hamutuk 439 ba Autoridade Munisípiu Aileu.
Estudante sira mai husi Fakuldade Siénsia Saúde, Departamentu Enfermagem no Departamentu Parteira atu hala’o Estájiu Klinika ba Nesessidade Báziku no Estájiu Komunitária.
Tuir Reitór ISC, Sebastião Pereira, serimónia ne’e objetivu atu estudante sira bele priense no kompleta matéria teoría ne’ebé sira aprende durante iha universidade. Estájiu ne’e sei hala’o durante fulan ida iha Munisípiu Aileu.
Iha fatin hanesan, Reprezentante PAM Aileu, Rogério da Conceição, hateten estudante na’in 439 ne’e fahe ba parte rua hodi apoiu direta pesoál iha Sentru Saúde Aileu.
Estudante Sira ne se’i destaka ba suku Rua hanesan Bandudato no Seloi Malere
Entretantu, Komandante PNTL Munisípiu Aileu, Superintendente Xefe António da Luz, Lic., husu ba estajiáriu sira ne’ebé uza transporte hanesan motor no kareta atu kumpre lei tránzitu nune’e labele mosu problema, tanba Aileu mak munisípiu ne’ebé hakmatek.
Serimónia ne’e partisipa husi Fundadór ISC, Reitór, Autoridade Munisípiu no Komandu PNTL Aileu.
Leave a Reply