Radio Komunidade Radio Rai husar Aileu Estabelese iha dia 14 de febreiro de 2003 no agora loke programa radio kada loron hahu husi 06:30 to’o 10:00 kalan, durante loron 6 iha semana ida. Estasaun Radio iha konsellu ida ne’ebé inklui ema nain Hitu husi komunidade no staf nain 5 inklui Gestor ne’ebé maneja servisu loron-loron iha estasaun Radio tuir horariu ne’ebe mak trasa ona hamutuk ho Konselho radio.
Estasaun Radio Komunidade Rai Husar Aileu simu Subsidiu liu husi fundus tranferensia publiko governu liu husi SECOMS Atraves liu husi Diresaun Nasional Promosaun Media Lokal (DNPML) hodi halo programa no mos sustentabilidade, halao parseira ho ONG Nasional no internasional balun kona ba programa ONG sira nian iha area edukasaun, korupsaun, saude, agrikultura, ekonomia, igualidade jeneru, foinsa’e no labarik, etc.
Radio Komunidade hanesan radio lokal ida ne’ebe besik liu iha komunidade, ho nia papel ne’ebe importante tebes maka transmite informasaun ba komunidade sira iha area rurais ne’ebe la asesu ba informasaun sira husi nasional, tamba ne’e maka radio komunidade hanesan alternativu ida ho nia misaun principal tuir estatuto katak: Tarnsmite informasaun no mos asegura informasaun sira ne’ebe la fo impaktu ba interese komum, hodi halao deit servisu komunikasaun sosial nian kona ba dezemvolvimentu iha seitor hotu-hotu, liu-liu seitor justica, demokrasia, no direitos humanus.
Suporta no hametin imparsialidade Radio Komunidade Rai Husar Aileu atu sai lian ne’ebe efektivu ba komunidade iha Municipiu Aileu, especial no em jeral ba povu Timor-Leste, hodi hato’o informasaun ne’ebe los no justo. Liga ho papel media nian hodi transmite informasaun hotu ba komunidade iha municipiu aileu laran tomaktamba ne’e maka Radio Komunidade Aileu precisa tebes apoiu hodi loke konta Bankaria Foun ba Radio Komunidade Rai Husar Aileu.
- Objectivu
- Rekolha Informasaun no fahe informasaun ba publiko.
- Atinji interese komunidade nian a’as liu husi dalan ne’ebe ekilibriu, demokratico, ho tranparansia nune’e bele servisu ho komunidade liu husi informasaun.
- Misaun & Vizaun
Misaun :
Asegura informasaun sira ne’ebe la fo impaktu ba interese komum, hodi halao deit servisu komunikasaun sosial nian kona ba dezemvolvimentu iha seitor hotu-hotu, liu-liu seitor justica, demokrasia, no direitos humanus. Suporta no hametin imparsialidade Radio Komunidade Rai Husar Aileu atu sai lian ne’ebe efektivu ba komunidade iha municipiu Aileu ne’ebe kompostu husi postu administrativo ha’at (4) no Suco 33 iha Municipiu, Aileu especial no em jeral ba povu Timor-Leste, hodi hato’o informasaun ne’ebe los no justo.Vizaun :
Disemina informasaun kona ba prosesu dezemvolvimentu iha rai laran husi aspeito hotu-hotu, liu-liu promove demokrasia, direitos humanus, paz no justisa, no kaer metin imparsialidade, honestidade transparansia no akountabilidade ba ema hotu hodi hato’o informasaun ne’ebe los no justu iha komunidade nia le’et.
