PAM AILEU PARABENIZA VONTADE POVU AILEU KRIA PAZ NO HUSU MANTEIN DURANTE SELEBRASAUN LORON NATAL NO TINAN FOUN

AILEU 15/12/2025 Liu husi mensajem Autoridade Munisípio Aileu hakarak hato’o ba ema hotu iha munisípio Aileu tenki hakmatek no kria paz no estabilidade hodi hein no simu loron ksolok natal no tinan foun ne’ebe maka besik daudaun ona mai

“Ba jornalista RKRHA Autoridade munisípio Aileu Ex:João Bosco Dos Santos haktemik iha nia kna’ar fatin,Relasíona mensajem ba pouvu Aileu preparasaun hodi hein loron bo’ot natal no tinan foun, hau fo parabeins ba povu Aileu tamba sira nunka halo problema Tamba sira senti ona durante ne saida maka sira halo, Dalabarak sira komunika ho ema ne’ebe laos Aileu oan maibe to ikus sira halo problema ema ne halai tia todan sira mak lori maibe agora daudaun sira mantein hela situasaun ne’ebe kalma sira la halo problema sira ida ne’ebe hemu hamalir la baku malu tamba ne hau husu haraik an ba joven sira hotu tenki melhora diak liu tan buat nebe sira hala’o hela no mantein situasaun kalma hatudu ba munisípio sira seluk katak munisípio Aileu dik liu munisípio sira seluk, tamba tuir ita nia estatistíka no parte seguransa nian aileu maka probelma kiik liu iha timor laran tomak”

Tamba ne nia husu no haraik an ba povu Aileu hodi mantein nafatin sira nia paz no estabilidade durante selebrasaun loron natal no tinan foun hodi hatudu ba munisípio seluk katak aileu mak sai hanesan munisípio ida nebe ki’ik husi problema sira

   Jornalista DeolindaB.Araújo