AILEU, 22 Juñu 2026– Prezidente Autoridade Munisípiu Aileu, João Bosco dos Santos, akompaña husi Sekretáriu Munisipál Asuntu Sosiál,Rogêrio da Conceição, no Diretores Merkadu no Infraestrutura, segunda ohin halo vizita direta ba Merkadu Aileu hodi re-identifika fatin públiku ne’ebé vendedor sira utiliza.
Vizita ne’e hanesan resposta ba preukupasaun vendedor sira nian ne’ebé levanta iha semana liubá. Autoridade informa katak planu expansaun merkadu prontu ona, inklui konstrusaun fatin estasionamentu no sentina públiku, tanba dezeñu, BoQ no orsamentu preparadu ona.
Durante vizita, reprezentante vendedor sira espresa prontu atu koopera ho Autoridade hodi garante planu implementa ho di’ak. Sira husu nafatin kondisaun atu kontinua atividade negósiu.
Nune’e, Autoridade deside muda provizóriu vendedor sira ba espasu iha área kotuk Merkadu nian hodi fó tempu ba servisu tékniku halo avaliasaun no planeamentu.
- Atividade eviksaun sei hala’o iha loron Sexta, semana ne’e Prosesu ne’e akompaña husi Seguransa, Lideransa Komunitária Suku Aissirimou no funsionáriu tékniku sira.
Leave a Reply