Aileu* – Negosiante sira iha Merkadu Munisipál Aileu hato’o preokupasaun sériu relasiona ho falta fasilidade ijiene bázika iha merkadu refere.
Ba jornalista, negosiante Augusta Soares hateten katak sira sente triste tanba maski merkadu ne’e fatin públiku ne’ebé ema barak frekuenta loron-loron, maibé laiha haris-fatin, sentina no bee-moos. Nia husu ba nai-ulun sira atu toma responsabilidade hodi rezolve problema ne’e.
Kestaun hanesan mós hato’o husi negosiante Manuel Oliveira. Nia hateten, “Dalaruma ami hakarak soe bee-boot ka ki’ik mós tenke halai ba mota-laran, tanba merkadu Aileu laiha sentina no bee-moos.”
Negosiante sira konsidera situasaun ne’e afeta ba saúde públiku no dignidade ema nian, no husu ba autoridade kompetente atu tau atensaun urjente ba kondisaun merkadu Aileu
Leave a Reply