𝐏𝐀𝐌 𝐋𝐢𝐝𝐞𝐫𝐚 𝐒𝐨𝐫𝐮𝐦𝐮𝐭𝐮 𝐊𝐨𝐧𝐬𝐞𝐥𝐥𝐮 𝐊𝐨𝐨𝐫𝐝𝐞𝐧𝐚𝐬𝐚𝐮𝐧 𝐌𝐮𝐧𝐢𝐬𝐢𝐩á𝐥 𝐛𝐚 𝐃𝐚𝐥𝐚-𝟏𝟐 𝐢𝐡𝐚 𝐒𝐚𝐥𝐚𝐮𝐧 𝐈 𝐀𝐌𝐀.

Aileu, 03 Dezembru 2025. Prezidente Konsellu Koordenasaun Munisipál atuál PAM-Aileu “𝐄𝐱𝐞𝐥é𝐧𝐬𝐢𝐚 𝐉𝐨ã𝐨 𝐁𝐨𝐬𝐜𝐨 𝐝𝐨𝐬 𝐒𝐚𝐧𝐭𝐨𝐬” akompaña husi Vise nain-3, kuarta horseik iha salaun I AMA, realiza sorumutu Konsellu Koordenasaun Munisipál ba dala-12 hamutuk ho membru KKM sira, ne’ebé kompostu husi Diretór Servisus Munisipais, Delegasaun Territoriais, Administrador Postu no Autoridade Komunitária reprezenta husi Postu sira.

Hafoin abertura sorumutu husi Prezidente KKM, kontinua kedas ho aprezentasaun sira ba Planu Dezenvolvimentu Munisipál-PDM Aileu ba tinan 2025-2030 nian, no hetan mós aprovasaun husi membru KKM sira.

Formulasaun PDM bazeia ba Konstituisaun RDTL, Lei Poder Lokál (LEI N.º 23 /2021 de 10 de Novembro), Lei Finansas Munisípais (Lei Nº 16/2023), Dekretu-Lei 34/2025, no harmoniza ho PEDN 2011–2030 ka polítika nasionál sira.
Planu ida ne’e estrutura iha pilares estratéjiku haat ne’ebé kontempla iha PEDN 2011-2030:
1. Kapital Sosiál – edukasaun, saúde, inkluzaun, juventude;
2. Infraestrutura – estrada, bee, saneamentu, eletrisidade, telekomunikasaun;
3. Ekonomia – agrikultura, turizmu, indústria, setór privadu; no
4. Institusionál – boa governasaun no transparénsia.

Entertantu hafoin ida-ne’e, Autoridade Munisipál sei submete PDM ne’e ba Ministériu Administrasaun Estatal hodi lori ba aprezenta iha Konsellu Ministru.

Jornalista : Maria S. G. Faria